SINO AKO?

Alam kong kukwestiyonin ng mga INC ang aking katauhan subalit hindi naman mahalaga kung sino ako hindi ba? Ngunit para sa aking mga kaibigan na binahaginan ko ng blog na ito, alam ninyo kung sino kayo. Alam kong nanghihinayang kayo sa pag-alis ko sa INC subalit higit akong masaya at mapayapa ngayon. Walang tanong na hindi ko nasagot ng mag-isa sa pamamagitan lamang ng Bibliya. Iyon lamang ang susi... naroroon ang sagot subalit higit sigurong makatutulong kung mababasa rin ninyo ang mga nabasa ko. Huwag sanang galit ang inyong paunahin sa inyong mga puso, kilala ninyo ako. Alam ninyong seryoso ako kapag pananampalataya ko ang pinag-uusapan kaya masakit din sa akin na ang relihiyong kay tagal kong pinaniwalaan... mali pala.

I was formerly a youth Deacon for our Lokal. I wouldn't say where dahil kilala ko ang mga INC at kilala ako ng mga galing sa aming lokal. Lumaki ako sa isang INC na tahanan. INC parin ang mga magulang ko at kapatid. Ako lamang ang tumiwalag at ang isa ko pang kapatid. Sa ngayon, halos limang taon na akong malaya at masaya sa aking natagpuang pananampalataya.

My eyes were opened when I read a printed copy of the website www.examineiglesianicristo.com Noon, nagtatanong ako kung bakit palagi akong nananaginip ng masama. I always dream about myself being held by devils in hell. There was this one time when I dreamt that I was being beheaded by devils. I asked them why and they told me that it was because I brought them many souls by being an INC. I ignored those dreams until I realized that those were warnings to me by God.  

Ngayon lang ako natakot sa katotohanan na aking natuklasan. Bulag pala ako noon, walang tinatanggap na katuwiran sapagkat ako'y lubos na naniwalang walang daan kundi ang INC lamang. Bulag ako sa karahasan, bulag sa turo sa Bibliya sapagkat naniwala ako noon na hindi ko ito maiintindihan.  

Salamat sa Panginoon at nahabag Siya sa akin. Nabuksan ang aking mga mata sa tunay na pananampalataya. Nawalan ako ng mga kaibigan at naranasan kong itakwil ng sarili kong pamilya ngunit higit kong pinahahalagahan ang salita ng Dios na aking natanggap ngayon. Hindi ko ipagpapalit ang kaligtasan na aking natagpuan. Paumanhin ngunit hindi ko ibubunyag kung sino ako, ayokong matulad sa mga taong dumanak na ang dugo. Kung hindi ko sana kilala at kung hindi ako INC noon, baka magpakilala pa ako ngunit alam ko ang kakayahan ng mga taong halos labingwalong taon kong nakasama sa iisang simbahan.

Sa mga dating kapatid ko sa Iglesia, hangad ko lamang ay siyasatin ninyo ang inyong mga sarili. Nakikita ba ninyo ang pag-gawa ng Dios sa inyong mga buhay? Sa ating simbahan? O kayo ba'y nabubulag din lamang ng karangyaan ng ating mga nag gagandahang lokal. Sa mga kaibigan ko noon at kasama sa kapilya na nakababasa nito, alam kong ako'y inyong nakikilala at salamat sa mga mensahe ninyo ng panghihinayang subalit mas nanghihinayang ako sa inyong mga kaluluwa. Hindi pa ako nakadarama ng higit na kalayaan sa buhay ko. Wag sana ninyong hayaan na pangunahan kayo ng galit... bigyan nyo sana ng pagkakataon ang mga bagay na makikita ninyo sa blog ko. Hindi pa huli ang lahat.